NEW APP BY MIS
Daily Deeds
Method of Tayammum, Ghusl, Whudu, Janazah, Daily Duas, Sunnahs and more! -
CLICK ABOVE ICON
Koi saleeqa hai aarzoo ka, na bandagi meri bandagi hai
Yeh sab tumhara karam hai Aaqa ke baat ab tak bani hui hai
Kissi ka ehsan kyun uthaaye, kisi ko haalat kyun bataaye
Tumhain se maange ge tum hi do ge, tumhare dar se hi luu lagi hai
Ata kiya mujh ko darde-ulfat, kaha thi yeh pur khata ki qismat
Mein iss karam ke kaha tha qabil, Huzoor ki banda parwari hai
Shoor o fikro nazar ke daire, hadd ka inse barh na paaye
Na choo saqe un balandiyon ko, jaha maqame Muhammadi hai
Tajaliyon ke kafeel tum ho, murad tu ke khalil tum ho
Khuda ki roshan dalil tum ho, yeh sab tumhari hi roshni hai
Bashir kahiye nazir kahiye, unhe siraje munir kahiye
Jo sar ba sar hai kalaam-e-Rabbi, woh mere Aaqa ki zindagi hai
Aamal ki mere asas kya hai, baajuz nadamat ke paas kya hai
Rahe salamat tumhari nisbat, mera to ek aasra yehi hai
Hai Kaaba bhi marja-e-khalaiq, bohat numayan hai yeh haqaiq
Magar jo maqsood-e-aashqi hai, Huzoor ke dar ki haazri hai
Yehi hai khalid asas rehmat, yehi hai khalid bina-e-azmat
Nabi ka irfan zindagi hai, Nabi ka irfan bandagi hai
Yeh sab tumhara karam hai aaqa ke baat ab tak bani hui hai
*** Like The App? ***- Please post a review
Views: 1489
New Naat Translation
Eik Mein Hi Nahi Un Par, Qurban Zamana
Knowledgewise By MIS
Search 'Knowledgewise' on Google podcasts, Apple podcasts or Spotify
