NEW APP BY MIS
Daily Deeds
Method of Tayammum, Ghusl, Whudu, Janazah, Daily Duas, Sunnahs and more! -
CLICK ABOVE ICON
Woh kamaal-e-husne Huzoor hay ki gumaane naqs jahaan nahin,
Yahi phool khaar sey door hay yahi sham’a hay ki dhoowa nahin.
Do jahaan ki behtariya nahin key amaniye dil-o-jaan nahin,
Kaho kia hay woh jo yahaa nahin magar ek nahin ki woh haan nahin.
Mein nisaar terey kalaam par mili yoon to kis ko zabaan nahin,
Woh sukhan hay jis mein sukhan na ho woh bayaan hay jiska bayaan nahin.
Bakhuda Khuda ka yahi hay dar nahin aur koi mafar maqar,
Jo wahaan sey ho yahi aake ho jo yahaan nahin to wahaan nahin.
Kare Mustafa ki ihaanatain khule bando uss pe yein jur’ate,
Ke mein kya nahin hoon Muhammadi? Arey haan nahin arey haan nahin.
Terey aage yoon hay dabe lache foosahaa arab key bare bare,
Koi jaane moonh mein zubaan nahin nahin balke jism mein jaan nahin.
Woh sharf key qat’a hain nisbatain wo karam key sab sey qareeb hain,
Koi keh do yaas-o-ummid sey wo kaheen nahin wo kahaan nahin.
Yeh nahin key Khuld na ho neko wo nekoi ki bhee hay aabroo,
Magar aay Madinah ki aarzoo jise chahe to wo samaa(n) nahin.
Hay unhi key Noor sey sab ayaan hay unhi key jalwah mein sab neeha,
Bane subhe taabishe mehr sey rahe peshe mehr yehjaan nahin.
Wahi Noor-e-Haqq wahi zille Rab hay unhi sey sab hay unhi ka sab,
Nahin unki milk mein aasmaan key zameen nahin key zamaan nahin.
Wahi la makaan key makeen huwe sare arsh takht nasheen huwe,
Woh Nabi hay jiske hain yeh makaan woh Khuda hay jiska makaan nahin.
Sare arsh par hay teri guzar dil-e-farsh par hay teri nazar,
Malakoot-o-malk mein koi shay nahin woh jo tujh pe ayaan nahin.
Karoon terey naam pe jaan fida na bas ek jaan do jahaan fida,
Do jahaan sey bhi nahin ji bharaa karoon kya karoro jahaan nahin.
Tera qad to naadire daher hay koi misl ho to misaal dey,
Nahin gul key paudo mein daaliya key chaman mein saro chamaa nahin.
Nahin jis key rang ka dusra na to ho koi na kabhi huwa,
Kaho us ko gul kahe kiya koi key gulo ka dher kahaa nahin.
Karu madh-e-ahl-e-duwal RAZA parey is balaa mein meri balaa,
Mein gadaa hun apne Kareem ka mera deen paara-e-naan nahin.
*** Like The App? ***- Please post a review
Views: 2704
New Naat Translation
Eik Mein Hi Nahi Un Par, Qurban Zamana
Knowledgewise By MIS
Search 'Knowledgewise' on Google podcasts, Apple podcasts or Spotify
