Best view: Rotate device
Wah Kya Jood-o-Karam Hai Shahe Bat-ha Tera
Nahin Sunta Hi Nahin Maangnai Waala Tera
Mein To Malik Hi Kahoonga Ke Ho Malik Kay Habeeb
Ya'nee Mahboob-o-Muhib Mein Nahin Mera Tera
Tere Qadmon Mein Jo Hai Ghayr Ka Moo Kia Dekhe
Kon Nazron Pe Charr-He Dekh Ke Talwa Tera
Tere Tukron Pe Pale Ghair Ki Thokar Pey Na Daal
Jhirkiyan Khaaye Kahan Chhor Ke Sadqa Tera
Aik Mein Kia Mere Isi'ayan Ki Haqeeqat Kitni
Mujh Say Sou Laakh Ko Kaafi Hai Ishara Tera
Farsh Waale Teri Shawkat Ka Ulu Kya Dekhe
Khusrawa Arsh Pe Urrta Hai Pharera Tera
Teri Sarkaar Mein Laata He Raza Uss Ko Shafe'e
Jo Mera Ghaus Hai Aur Laadla Beta Tera
Views: 3532
Like The App?
Post a review!