Naat Lyrics

Charoon Taraf Noor Chhaya
Aaqa Ka Milad Aaya
Khushiyon Ka Pegham Laya
Aaqa Ka Milad Aaya

Shams-O-Qamar Aur Taaray
Kyun Na Ho Khush Aaj Saaray
Unse Hee To Noor Paaya
Aaqa Ka Milad Aaya

Khushiyan Manatay Hain Wohi
Dhoomein Machatay Hain Wohi
Jin Per Hua Unka Saaya
Aaqa Ka Milad Aaya

Hai Shaad Har Ek Musalmaan
Karta Hai Ghar Ghar Charaghaan
Galiyun Ko Bhi Jagmagaya
Aaqa Ka Milad Aaya

Mukhtar-e-gul Maanay Jounhe
Noori Bashar Jaanay Jounhe
Na'ara Ussi Ne Lagaya
Aaqa Ka Milad Aaya

Jou Aaj Mehfil Mein Aaiye
Mun Ki Muradein Woh Paaye
Sab Par Karam Ho Khudaya
Aaqa Ka Milad Aaya

Ghous Ul Wara Aur Data Ne
Mere Raza Aur Khwaja Ne
Sab Ne Hee Din Ye Manaya
Aaqa Ka Milad Aaya

Na'at-e-Nabi Tum Sunao
Ishq-e-Nabi Ko Barhao
Hum Ko Raza Ne Sikhaya
Aaqa Ka Milad Aaya

Jiss Ko Shajar Jaantay Hain
Kehna Hajar Maantay Hain
Aisa Nabi Hum Ne Paaya
Aaqa Ka Milad Aaya

Dil Jagmaganay Lagay Hain
Sab Muskaranay Lagay Hain
Ik Kaif Sa Aaj Chhaya
Aaqa Ka Milad Aaya

Kar Ae Ubaid Unki Midhat
Tujh Per Khuda Ki Ho Rehmat
Tu Ne Muqqadar Ye Paaya
Aaqa Ka Milad Aaya

Views: 1943

Appearance of Prophet (PBUH)

MIS Productions · Blessed Appearance

Like The App?
Post a review!